ഒന്നും എഴുതാന്‍
ശ്രമിക്കരുതത്രേ...!
നീ,നിങ്ങള്‍
പിന്നെ സമൂഹം
എന്നോട് പറയുന്നു-
ഒന്നും എഴുതാന്‍
ശ്രമിക്കരുത്..!
ഒരിക്കല്‍
'വഷളന്റെ' പുറകെ പോയി
എഴുതാനൊരുങ്ങിയപ്പോള്‍
നിങ്ങള്‍ പറഞ്ഞു
"പ്രായമായില്ല"
'നാലുകെട്ടി'നപ്പുറത്തേക്ക്
കണ്ണുകള്‍ പറന്നപ്പോള്‍
നീ വീണ്ടും പറഞ്ഞു
"കുടുംബം തകര്‍ക്കരുത്"-
തെരുവോര കഥ പറയാന്‍
തൂലികയെടുത്തപ്പോള്‍
നീ പരിഹസിച്ചു-
"അനുഭവമില്ലാത്തവന്‍ "
ഒടുവില്‍
നേരിന്റെ
പൊരുള്‍ തേടി
അനുഭവങ്ങള്‍ക്കായ്‌
അലയാനൊരുങ്ങിയപ്പോള്‍
നിങ്ങള്‍ ഉറക്കെ പറഞ്ഞു
"ആര്‍ക്കും വേണ്ടാത്തവന്‍ ഇനിയെന്തെഴുതാന്‍ ?"
